Super Computer kya hai ? Ise kis kaam mai use kiya jaata hai ?

Hello friends iss post main hum aaj baat karenge Super Computer ke baare main. Hum aage jaanenge ki ek Super Computer kya hai ? Super Computer kis kaam main use hota hain ? Or bhi bahoot Kuch jaanenge aaj iss post main so, aap iss post ko aage padhte rahiye.





Friends agar aapke paas bhi ek simple computer hain jisme aapne laga rakha hain corei7 ka latest processor or laga rakha hain best gaming keyboard or mouse. To aap sochte honge ki mera computer, sabse fast hain isme koi bhi high graphics wali game or software chal jayegi, to aise main aapko lagta hoga ki Super Computer kya hain, jo mere computer se bhi fast hain.

So, sabse pehle baat karte hain ki ek Super Computer kya hai ?

Super Computer Kya Hai ?

Super Computer full info in Hindi

Friends aapko nahi pata hoga ki ek Super Computer bhi simple wale computer jaisa hi hota hain jo hum sabhi commonly use karte hain lekin ek fark sirf itna hain ki, agar hum 1 lack, 2 lack's ya 10 lack's simple wale computer ko milaa de to ban jayega ek Super Computer. Ab aap sochte honge ki Super Computer ko kis kaam ke liye use kiya jaata hai.

Super Computer Ko Kis Kaam Ke Liye Use Kiya Jaata Hai ?


Friends agar aapko bhi lagta hain ki ek Super Computer ko gaming ke liye use kiya jaata hain ya Internet surfing ke liye ya videos and photos editing ke liye to aisa bilkul nahi hain, real chijh yah hain ki Super Computer use hota hain bahoot jyada high and specific requirements ke liye for example whether forecasting, research exploration, cryptanalysis, space exploration ya koi bhi tarah-tarah ke high and  specific exploration. 

Super Computer Ki Speed Kitni Hoti Hai ?

Friends Super Computer ke speed ko naapne ke liye jo benchmark use hota hain oose FLOPS/s (Flopping Point Operations per second) kehte hain. Friends yah benchmark jo hain ek tool hain jiski madat se Super Computer Ki Speed ko naapa jaata hain.

Aise main ek China ki Super Computer hain jiska naam hain Sunway TihuLight jo ban chukaa hain duniya ka sabse fastest Super Computer apne hi desh ke ek Super Computer ko bit karke. Sunway TihuLight main laga hain 10,649,600 cores (approx 10.6 million cores) or iski jo speed hain woh hain karib 93.01peta Flops/s.

Ek jaroori baat batana chahungaa ki 2001 main jo top 500 Super Computer Ki list thi oosme China ka ek bhi Super Computer nahi tha lekin abhi hum agar oos list ki baat kare to,  China ke paas top 500 main se 167 Super Computer hain jo USA se bhi jyada hain.

USA ke paas top 500 Super Computer main se 165 Super Computer hain jo ki China se bhi Kam hain. To yah fact bahoot Kamal ka hain. Ab baat karte hain ki Super Computer mai konsa Operating system use hota hain.

Super Computer Main Konsa Operating System Use Hota Hai ?

Dosto yaha pe ek Super Computer Main Windows nahi use hota hain ya phir Mac OS bhi nahi use hain. Yaha pe use hota hain Linux operating system ka jise customize kiya jaata hain oos applications ke liye jise hum use karte hain ek Super Computer Main. Ab yaha pa Linux ko isliye customize kiya jaata hain because application Super Computer Main achhe se run Kare or koi bhi research program waist naa ho jaaye.

Ab hum agar unke Ram ya memory ke baare main soche to hum andaaja bhi nahi laga sakte. Kisi bhi Super Computer kitni memory ya ram hogi woh oonki program pe depend karta hain ki kis kaam ke liye ek Super Computer use hoga. Ab ek or topic bacha hain ki Super Computer main kitna power consumption hota hain.

Super Computer main Kitna Power Consumption Hota Hain ?


Super Computer Kya hota hai ?

To, aise main hum agar baat kare ki Dunia ka sabse fastest Super Computer Main kitna power lagta hain to woh hain 15.3 megawatt joki ek chhote city ke power consumption jitna hain.

Ek or baat yah hain ki Dunia ka sabse fastest Supercomputers jitna power use karta hain woh dunia ka dusra sabse fastest Supercomputers se kam hain, yani ki Jo sabse fastest Supercomputer hain woh power efficient hain agar hum compare kare dusre fastest Supercomputer se, jiska naam hain Tianhe-2 jo China ka hain. Ek last baat yah hain ki ek Super Computer ko cool rakhne ke liye 50-100 logo ki ek team hoti hain, jo lagi hoti Super Computer ko cooling karne main.




So, Friends 10 millions se bhi jyada cores, chhote city jitna power consumption or unlimited memory or ram yah saari khoobi aapko ek Super Computer main dekhne ko mil jayegi.

Mujhe umeed hai ki yah post padhne ke baad aapko yah jaroor pata chal gaya hoga ki ek super computer kya hota hai or ek super computer main kitni energy use hoti hai?

Agar aapko yah jankaari achhi lagi or super computer kya iske baare mai apne dosto ko batane ke liye iss post ko jaroor share ker dena. Or aise hee internet ki jankari or seo tips and tricks, blogging ke related posts padhne ke liye humare blog ko subscribe kijiye.

Yah Bhi Padhe-

    Super Computer kya hai ? Ise kis kaam mai use kiya jaata hai ? Super Computer kya hai ? Ise kis kaam mai use kiya jaata hai ? Reviewed by vr techy on November 28, 2018 Rating: 5

    No comments:

    Powered by Blogger.